Fýtbol: Qazaqstan kýbogy shırek fınalynyń jerebesi tartyldy
NUR-SULTAN. QazAqparat - Búgin fýtboldan Qazaqstan kýbogy shırek fınalynyń jerebesi tartyldy, dep habarlaıdy QazAqparat tilshisi.
Esterińizge sala ketelik, 27 naýryzda Qazaqstan kýbogynyń alǵashqy irikteý kezeńi máresine jetti. Al 10 sáýirde elimizdiń segiz qalasynda fýtboldan Qazaqstan kýbogy 1/8 fınaldyq kezeńi oıyndary ótken bolatyn.
Jarystyń shırek fınalyna Semeıdiń «Altaı», Pavlodardyń «Ertis», «Qaırat», Qyzylordanyń «Qaısar», Shymkenttiń «Ordabasy», Qostanaıdyń «Tobyl» jáne «Taraz», «Atyraý» komandalary joldama alǵan edi. Bul komandalar shırek fınaldaǵy qarsylastaryn anyqtady.
Endi «Qaırat» pen «Tobyl», «Taraz» ben «Ordabasy», «Altaı» men «Atyraý», «Ertis» pen «Qaısar» komandalary kezdesetin boldy. Shırek fınal oıyndary 8 mamyrda ótkiziledi. Jarystyń atalmysh kezeńi bir ǵana oıynnan turady.
