Fýtbol: Qazaqstan klýbtarynda birneshe oıynshy oryn aýystyrdy
ASTANA. 6 jeltoqsan. QazAqparat - Degenmen, jańalyǵymyzdy jyl qorytyndysynan bastasaq. QFF tarıh qoınaýyna ketken maýsymnyń úzdigi dep Qaırat Nurdáýletovti atady.
Komanda bapkerleri daýys berý arqyly tańdaǵan sheshim bul. Quptarlyq. Qazaq tiline, ultyna degen qurmeti sheksiz Qaırat dál qazir ulttyq quramanyń da, ishki chempıonattyń da kóshbasshysy shynymen...
Al onyń artynan erip kele jatqan jas úzdik Baýyrjan Baıtana «Tobyl» komandasynyń jeıdesin kıdi. Baýyrjan ótken maýsymda «Suńqarda» dop tepken.
«Ordabasy» sapyndaǵy senegaldyq Mansýr Gýıe komandadan ketkeni málim boldy. Ol da Qostanaı qalasynyń komandasyna aýyspaq.
«Tobyl» komandasy qaqpashy Danııl Rıhard, oıynshylar Vladımır Sedelnıkov, ıÝrıı Mokroýsov, Radoslav Batak, Sergeı Kontsevo, Konstantın Golovskoı, Alı Alıev, Sergeı Kostıýk, Sergeı Strýkovpen kelisim sharttaryn sozbady.
Al «Aqtóbe» qazir Mýhanovtyń ornyna jańa bapker izdep álek. Ázirge komanda tizginine kim keletini belgisiz, dep habarlaıdy «Alaman» sport agenttigi.
