Fýtbol: Qazaqstan - Irlandııa 1:2
ASTANA. 8 qyrkúıek. QazAqparat - 2014 jylǵy fýtboldan Álem chempıonaty aıasyndaǵy irikteý týrnırinde alǵashqy oıynda Irlandııamen kezdesken Qazaqstannyń qurama komandasy 1:2 esebimen utylyp qaldy.
Qyzyqty da tartysty ótken oıynda alǵashqy dopty Qazaqstan quramasy saldy. Matchtyń 37 mınýtynda jerlesimiz Ulan Qonysbaev qarlystardy qapy qaldyryp, qaqpashydan aılasyn asyra bildi. Esep - 1:0. Qazaqstandyq jenkúıerlerdiń qýanyshynda shek bolmady, jeńiske degen úmit oıandy. Biraq Irlandııa fýtboshylary penaltıdi sátti oryndap, esepti teńestirdi. Odan keıin Kevın Doıl ekinshi goldyń avtory atanyp, óz komandasyn alǵa shyǵardy. Bizdiń jigitter qansha tyrysqanymen, qarsylastardyń qaqpasyn ala almady. Sóıtip, 2014 jylǵy fýtboldan Álem chempıonaty aıasyndaǵy irikteý týrnırinde Irlandııa Qazaqstannyń quramasyn jeńip, úsh upaıǵa ıe boldy.
Endi kelesi oıyn qyrkúıektiń 11-i kúni Shvetsııa quramasymen ótedi.
