Fýtbol: Qazaqstan Germanııaǵa 0:3 esebimen ese jiberdi
ASTANA. 23 naýryz. QazAqparat - Elordanyń «Astana Arena» stadıonynda ótken Qazaqstan men Germanııa quramalary arasyndaǵy fýtbol matchy aıaqtaldy. Bizdiń qurama nemisterge esh qarsylyq kórsete almady. Germanııa Qazaqstan qaqpasyna jaýapsyz úsh gol soqty.
Sonymen birinshi taımnyń 20 mınýtynda Bastıan Shvaınshtaıger alǵashqy gol soǵyp, arada eki mınýt ótkende onyń komandalasy Marıo Gettse esepti eseleı túsken edi. Al ekinshi taımnyń 73 mınýtynda Tomas Mıýller úshinshi goldyń avtory atanǵan bolatyn.
Búgin tańerteń ótken baspasóz máslıhatynda Germanııa quramasynyń bas jattyqtyrýshysy Ioahım Lev «Biz uzaqqa sozylǵan úzilisten keıin aldaǵy oıynǵa qarqyndy daıyndyq júrgizdik. Árıne, bizdiń maqsat - týrnırdegi ózimizdiń pozıtsııamyzdy nyǵaıtý úshin 6 upaı alý jáne qalǵan matchtarǵa daıyndalý», degen bolatyn. Nemis komandasy bas jattyqtyrýshy júktegen osy mindetti 100 paıyzǵa oryndap shyqty.
Qarymta oıyn 26 naýryz kúni Nıýrnberg qalasynda ótedi.
