Fýtbol: Qazaqstan Germanııadan kezekti ret utyldy
ASTANA. 27 naýryz. QazAqparat - Búgin, túngi saǵat 01.45-te Nıýrnbergte Qazaqstan Germanııamen ekinshi match ótkizip, elimizdiń quramasy 4: 1 esebimen utyldy.
Atap aıtqanda, Germanııa men Qazaqstan arasyndaǵy 2014 jylǵy álem chempıonatynyń irikteý dodasynda atalǵan elge ekinshi ret ese jiberip otyrmyz.
Sonymen, birinshi taımnyń 23-mınýtynda germanııalyq quramanyń oıynshysy Marko Roıs esep ashty, sondaı-aq araǵa tórt mınýt salyp Marıo Gettse esepti eseleı tústi. Al kezdesýdiń 31-mınýtynda Gıýndogan úshinshi goldyń avtory atandy. Tek ekinshi taımnyń basynda qazaqstandyq fýtbolshy Genrıh Shmıdtgal esep ashyp, komandanyń alǵa ilgerileýine múmkindik berdi. Oıynnyń 90-mınýtynda Marko Roıs tórtinshi goldy soǵyp, kózge tústi.
2014 jyly Brazılııada ótetin álem chempıonatynyń irikteý kezeńi aıasyndaǵy bul matchqa túrkııalyq Halıs Ozkahııa tórelik jasady.
Budan buryn habarlanǵandaı, jaqynda Astanada ótken oıynda Germanııa quramasy Qazaqstan komandasyn 0:3 esebimen utqan edi.
