Fýtbol: Qazaqstan Chernogorııamen teń tústi
NUR- SULTAN. QazAqparat - Dál qazir fýtboldan Qazaqstan men Chernogorııa quramalary arasyndaǵy joldastyq kezdesýi aıaqtaldy, dep habarlaıdy QazAqparat tilshisi.
Eki qurama arasynda tartysty oıyn órbidi. Kezdesý aldynda Qazaqstan quramasy túrli sebeppen birqatar fýtbolshyny qatarǵa qosa alǵan joq. Soǵan qaramastan búgin qazaqstandyq oıynshylar jınaqy qımyl kórsetti. Oıyn barysynda gol soǵatyn birneshe múmkindikti múlt jiberip aldy.
Chernogorııa quramasynyń da esepti ózgertetin birneshe múmkindigi bolǵan edi. Dese de olarǵa da dáldik jetispeı jatty.
Kezdesý 0:0 esebimen teń aıaqtaldy.
Esterińizge sala ketelik, buǵan deıin eki qurama úsh márte kezdesti. 2008 jyldyń 27 mamyrynda Podgorıtsede ótken joldastyq kezdesýde olardan 0:3 esebimen jeńilip qaldy. Odan keıin eki quramanyń joly 2018 jylǵy álem chempıonatyna irikteý kezeńinde E tobynda túıisti. Aldymen 2016 jyldyń 8 qazanynda Podgorıtsede 0:5 esebimen ese jibergen qazaqstandyq qurama 2017 jyldyń 1 qyrkúıeginde elordada olarǵa 0:3 esebimen ese jiberdi. Sondyqtan Qazaqstan men Chernogorııa búgin alǵash ret teń túsip otyr. Degenmen qazaqstandyq fýtbolshylar tórt oıyn boıy atalǵan qarsylasyna birde-bir gol soǵa almaı keledi.
Esterińizge sala ketelik, Qazaqstan quramasy endi Ulttar lıgasynda eki oıyn ótkizedi. Aldymen 15 qazanda syrt alańda Albanııamen sheberlik baıqassa, 18 qarashaa óz alańynda Lıtvany qabyldaıdy. Qazaqstan S lıgasynda tórtinshi topta synǵa túsip júr.
