FÝTBOL: Qazaqstan chempıondyǵynan úmitker «Qaırat» pen «Astana» 25 qazanda kezdesedi
ASTANA. QazAqparat - 25 qazan kúni, saǵat 17.50-de Qazaqstan Premer-Lıgasynyń 30-shy týrynyń ortalyq matchy - «Qaırat» FK jáne «Astana» FK arasyndaǵy kópten kútken oıynynyń kýágeri bolamyz.
Jasyl alańda jan berip, jan alysqan Qazaqstan fýtbolynyń qos alpaýytynyń oıyny fýtbol jankúıerleri úshin aıtýly oqıǵa bolǵaly tur, dep habarlaıdy «Qazaqstan» RTRK» AQ baspasóz qyzmeti.
Týrnır kestesiniń nátıjeleri boıynsha «Qaırat» «Astanadan» 5 upaıǵa alda tur. Bul oıyn kimniń myqty ekenin anyqtaıtyn sheshýshi aıqas. Chempıondyqqa talas barysynda «Astana» «Qaırattyń» qarqynyna tótep bere ala ma? Tartystyń sońy qandaı nátıjemen aıaqtalady? Osy jáne basqa da shıelenisterdiń nátıjesin fýtbol aıqasynyń sońynda biletin bolamyz.
Alańdaǵy alpaýyttardyń oıynyn qos komandanyń jankúıerleri taǵatsyzdana kútýde, qazaqstandyq «el-klassıko» fýtbol matchyn tamashalaýǵa ázir.
Osy jeksenbide, «Qazaqstan» arnasynyń kórermenderi tikeleı efırde emotsııaǵa toly matchtyń kýágerleri bolady.
