Fýtbol: Qazaqstan chempıonatynyń bas júldesinen úmitker úsh komanda anyqtaldy
ASTANA. 19 qazan. QazAqparat /Jasulan Amanbaıuly/ - Fýtboldan Qazaqstan premer-lıgasynyń sońǵy eki týry qaldy.
Qazaqstan chempıonatynyń bas júldesinen úmitker úsh komanda anyqtaldy. Olar: «Shahter», «Astana» men «Jetisý» komandalary.
Óte shıelenisti tartystarmen órbip jatqan birinshilikte kósh bastaǵan klýbtardyń arasyndaǵy upaı aıyrmashylyǵy kóp emes.
Taldyqorǵandyq «Jetisý» týrnırde 38 upaı jınap, ázirshe birinshi orynda keledi. Odan eki upaıǵa qalyp kele jatqan qaraǵandylyq «Shahter» klýby ekinshi, 33 upaı jınaǵan «Astana» komandasy úshinshi orynda.
Kelesi týrda, ıaǵnı 22 qazanda chempıonat kóshbasshylary «Shahter» men «Jetisý» ózara myqtyny anyqtaıdy. «Astana» óziniń alańynda úzdik altylyqty túıindep turǵan shymkenttik «Ordabasy» klýbyn qabyldaıdy.
