Fýtbol: Qazaqstan chempıonaty belgisiz ýaqytqa keıinge shegerildi
NUR-SULTAN. QazAqparat - Fýtboldan Premer-Lıga komandalary arasyndaǵy Qazaqstan chempıonaty belgisiz merzimge keıinge shegerildi, dep habarlaıdy QazAqparat tilshisi.
Bul jóninde Qazaqstan kásipqoı fýtbol lıgasy málim etti. Atalǵan sheshim Qazaqstan Respýblıkasy Prezıdentiniń tapsyrmasymen elimizde karantındik sharalardyń jalǵasýyna baılanysty qabyldanyp otyr. Osyǵan baılanysty elimizde fýtbol jarystaryn jalǵastyrý keıinge shegerildi.
Dop dodasyn jalǵastyrý elimizde karantındik sharalar aıaqtalǵannan keıin qaıta qaralatyn bolady.
Esterińizge sala ketelik, chempıonat 8 naýryzda bastalǵan bolatyn. Eki týrdan keıin elimizde koronavırýs indetiniń órshýine baılanysty ol keıinge shegerildi. Al 1 shildede úshinshi týr oıyndary ótti. Odan keıin elimizde karantındik sharalardyń kúsheıýine baılanysty jarystar taǵy da keıinge shegerildi.
Budan buryn fýtboldan Qazaqstan chempıonaty 3 tamyzda qaıta jalǵasatyny habarlanǵan bolatyn.
