Fýtbol: Qazaqstan birinshiliginde astanalyq jastar kósh bastap keledi
ALMATY. 21 shilde. QazAqparat /Erlik Erjanuly/ - 1994 jyly týǵan fýtbolshylar arasyndaǵy Qazaqstan birinshiliginde astanalyqtar jeńilissiz kele jatyr.
12-19 shilde kúnderi Aqtóbede ótken 2-týrda olar kóshbasshylyqty saqtap qaldy. Alǵashqy týrdaǵy 3 matchta 7 upaı jınaǵan astanalyqtar 2-týrda ony 17-ge jetkizdi. Olar 2 týrdyń qorytyndysy boıynsha 7 oıynda qarsylastar qaqpasyna 15 dop soǵyp, ózderine 5 dop jiberip aldy. Olardy ókshelep kele jatqan aqtóbelikterdiń - 1 , qaraǵandylyq «Shahterdiń» - 3, aqtaýlyq «Kaspııdiń» - 5 upaıy kem. Al týrnır kestesiniń ekinshi jartysynan oryn tepken Oraldyń «Aqjaıyǵynda» - 8, Almatynyń «Qaıratynda» - 7, atyraýlyqtarda - 5, Óskemenniń «Vostogynda» - 0 upaı bar. Ózderi 3 dop soǵyp, al óz qaqpalaryna 28 dop engizip alǵan óskemendikter barlyq oıynda jeńilis tapty.
