Fýtbol: Qazaqstan birinshi kezeńde Shotlandııaǵa eki gol soqty
ASTANA. QazAqparat - Dál qazir elordada Qazaqstannyń fýtbol quramasy Shotlandııany qabyldap jatyr. Búgin 2020 jylǵy Eýropa chempıonaty irikteý kezeńindegi I tobyndaǵy alǵashqy týr oıyndary bastaldy, dep habarlaıdy QazAqparat tilshisi.
Birinshi kezeńde bizdiń elimizdiń quramasy sapynda Dmıtrıı Nepogodov, Ǵafýrjan Súıimmbaev, Temirlan Erlanov, Sergeı Malyı, Evgenıı Postnıkov, ıAn Vorogovskıı, Islambek Qýat, Aleksandr Merkel, ıÝrıı Pertsýh, Baktıer Zaınýtdınov jáne Roman Mýrtazaev shyqty. Al Shotlandııa quramynda Skott Beın, Lıam Palmer, Grem Shınnı, Skott Makkena, Devıd Beıts - Kallým Makgregor, Djon Makgınn, Djeıms Forrest, Stıýart Armstrong, Olıver Berk, Olıver Makbernı boldy.
Búgingi kezdesýde qos qurama da birden shabýylǵa kóńil bóldi. Ásirese, Shotlandııa fýtbolshylarynyń belsendiligi ańǵarylyp turdy. Keıbir sátterde bizdiń jigitter qarymta shabýylǵa shyǵyp turdy.
Atalmysh toptaǵy alǵashqy goldy bizdiń fýtbolshy soqqanyn aıta ketelik. Oıynnyń 6-mınýtynda qazirgi kúnderi Gollandııanyń «Herakles» komandasynda oınaıtyn Aleksandr Merkel áriptesi ıÝrıı Pertsýhqa qolmen qoıǵandaı etip pas shyǵaryp berdi. Ony tıimdi paıdalana bilgen ıÝrıı Pertsýh qaqpa toryn búlk etkizdi. Esep 1:0. Al 10-mınýtta bizdiń jigitter esepti ústemeleı tústi. Bul sátte bizdiń qurama kapıtany Islambek Qýat áriptesi ıAn Vorogovskııge gol soǵýǵa múmkindik jasady. Budan keıin Islambektiń alystan tepken dobyn Shotlandııa qaqpashysy Skott Beın áreń qaıtardy.
Búgin I tobynda taǵy eki oıyn bolady. Atap aıtqanda, Kıpr men San Marıno, Belgııa men Reseı quramalary kezdesedi. Oıyndar elorda ýaqytymen 00.45-te bastalady.
