Fýtbol: Qazaqstan áıelder quramasynyń jańa bas jattyqtyrýshysy taǵaıyndaldy
ASTANA. Sáýirdiń 13-i. QazAqparat /Ernur Aqanbaı/ - Fýtboldan Qazaqstan áıelder quramasynyń jańa bas jattyqtyrýshysy bolyp moldovalyq maman Evgenıı Pýsıkov taǵaıyndaldy,
dep habarlaıdy QazAqparat.
Qazaqstan Fýtbol federatsııasynyń málimetinshe, komandanyń burynǵy jattyqtyrýshysy Borıs Emelın qyzmetinen sporttyq kórsetkishteri boıynsha bosatyldy. Jańa bas jattyqtyrýshy 57 jastaǵy E. Pýsıkov áıelder komandalaryn jattyqtyrýshy mansabyn 1988 jyly Kıshınevtiń «Vızır» komandasynan bastaǵan. Odan keıin ol Moldovanyń «Kodrý» (1989-1991, 1994), Ýkraınanyń «Olımp» (1992), Rýmynııanyń «Konfektsııa» 1993), Molodovanyń «Konstrýktorýl» (1996-2000), Moldovanyń «Plaı» (2001-2004), Reseıdiń «Spartak» (2002), Moldovanyń «Narta» /2004-2009/, Reseıdiń «ÝOR» (2009) komandalaryn jattyqtyrǵan. 2004-2005 jyldary E. Pýsıkov Moldovanyń jastar quramasyn, 2005-2006 jyldary Moldovanyń ulttyq quramasyn jattyqtyrdy.
