FÝTBOL: Qazaqstan áıelder quramasy Ýels komandasymen oıynǵa daıyndyǵyn bastaıdy
ASTANA. QazAqparat - 17 qarasha kúni Qazaqstan áıelder quramasy EÝRO-2017 irikteý týrnırinde Ýels quramasymen ótkizetin oıynǵa daıyndyqty bastaıdy.
Oqý-jattyǵý jıyny 17-23 qarasha aralyǵynda Shymkentte ótedi, dep habarlaıdy QR Fýtbol federatsııasynan.
Bas bapker Kaloıan Petkov jıynǵa kelesi oıynshylardy shaqyrdy:
Qaqpashylar: Oksana Jeleznıak, Aleksandra Grebenıýk, Alına Bobrova (barlyǵy - BIІK-Qazyǵurt);
Qorǵaýshylar: Ekaterına Krasıýkova, ıÝlııa Mıasnıkova, Veronıka Kornıenko, Marııa Demıdova, Agata Sattarova, Ekaterına Babshýk, Aıjan Ómirtaeva (barlyǵy - BIІK-Qazyǵurt), Áıgerim Áıtimova (SShVSM-Barys);
Jartylaı qorǵaýshylar: Ksenııa Haırýlına, Mádına Jańataeva, Adılıa Vyldanova, Karına Jumabaıqyzy, Sáýle Káribaeva (barlyǵy - BIІK-Qazyǵurt), Kámıla Qulmaǵambetova, Ekaterına Pıatkına (ekeýi de - «Kókshe»), Jámılá Qaıyrbekova («Astana»), Begaıym Qyrǵyzbaeva (SShVSM-Barys);
Shabýylshylar: Svetlana Bortnıkova (BIІK-Qazyǵurt), Marııa ıAlova («Kýbanochka» Krasnodar, Reseı).
Jattyqtyrýshylar shtaby: Kaloıan Petkov - bas bapker, Aıtpaı Jamantaev - aǵa jattyqtyrýshy, Ildar Shákirov - qaqpashylardyń jattyqtyrýshysy, Svetlana Beıbitova - dáriger, Georgıı Ledentsov - menedjer.
19 qarasha kúni oqý-jattyǵý jıyny aıasyna joldastyq match ótedi. Al, 24 qarashada Qazaqstan áıelder quramasy Londonǵa jol tartady. Ári qaraı Haverfordýest qalasyna barady. Munda Ýels quramasymen irikteý matchy ótedi.
Match 2000 jankúıer syıatyn «Brıdj Medoý» stadıonynda 26 qarasha kúni Astana ýaqytymen 20:00-ge josparlanǵan.
