FÝTBOL: Qazaqstan arnasy Eýropa chempıonatyn Frantsııa men Rýmynııa oıynnan bastap kórsetedi
ASTANA. QazAqparat - Erteń fýtboldan Eýropa chempıonaty bastalady. Kári qurlyqta ótetin atalǵan jarys dodasy kórsetiliminiń quqyǵyna ıe bolǵan «Qazaqstan» ulttyq telearnasy tartysty básekelerdi tikeleı efırde kórsetýdi josparlap otyr.
Atap aıtqanda, erteń Frantsııa men Rýmynııa komandalary arasyndaǵy oıyndy jankúıerler saǵat 00-40-ta kóre alady.
Sondaı-aq birqatar kezdesýlerdi «Kazsport» telearnasy da tikeleı efırde usynbaqshy. Mysaly, 11 maýsym kúni «Albanııa - Shveıtsarııa» komandalary alańǵa shyǵady, ol kezdesýdi saǵat 18-50-de «Kazsport» telearnasy tikeleı efırde usynady dep kútilýde.
Sol 11 maýsymda «Qazaqstan» ulttyq telearnasy saǵat 00-50-de Anglııa men Reseı komandalary arasyndaǵy oıyndy tikeleı efırde kórsetedi.
Eýropa chempıonaty 10 shildege deıin sozylatyny belgili. Qazaqstan jankúıerleri «Qazaqstan» ulttyq arnasy men «Kazsport» telearnasy arqyly barlyq kezdesýlerdi kórý múmkindigine ıe bolyp otyr.
