FÝTBOL: Qazaq jigitine Reseıdiń beldi klýbtary quda túsip otyr
ASTANA. 26 qańtar. QazAqparat - Bıylǵy Dostastyq kýbogynda tamasha oıynymen talaı jankúıerge jaqqan qazaq fýtbolshysy Baýyrjan Islamhandy Reseıdiń beldi komandalary óz quramyna alýǵa daıyn, dep habarlaıdy «Alaman» ulttyq sport portalynan.
Baýyrjan Islamhanǵa qazir máskeýlik «Dınamo» men TsSKA komandalary kóz tigip otyr. Jáne bul reseılik eki klýb qazaq fýtbolshysymen kelisim shart jasasýǵa daıyn ekendikterin málimdedi. Qazir máskeýlik klýbtar Baýyrjan Islamhanmen kelisim shart jasasýǵa talpynys jasap jatyr.
Baýyrjan qazir resmı túrde «Taraz» komandasynyń oıynshysy. Jáne ol reseılik klýbtarǵa aýysý úshin Jambyl oblystyq ákimdiginen arnaıy ruqsat kerek.
