FÝTBOL: Qaza tapqan áskerı qyzmetshilerdi eske alýǵa arnalǵan týrnır ótti
Jarys qyzmettik mindetterin oryndaý kezinde qaza tapqan áskerı qyzmetshilerdi eske alýǵa arnalǵan. 8 komanda qatysqan týrnırdiń fınaldyq kezdesýleri shıelenisti ótti. Sońǵy sátterge deıin 19132 jáne 44813 áskerı bólimderi komandalarynyń qaısysy basym ekeni belgisiz boldy. Tek sońǵy mınýtta qarsylastaryn 4:3 esebimen utqan 19132 áskerı bóliminiń komandasy jeńiske jetti. Úshinshi orynǵa Ulttyq qorǵanys ýnıversıtetiniń fýtbolshylary turaqtady. Báseke qorytyndysy boıynsha leıtenant Artem Sırotov - úzdik shabýylshy, kishi serjant Qýanysh Baıjumanov - úzdik qorǵaýshy, qatardaǵy jaýynger Jambyl Serikbaev úzdik qaqpashy atandy.
«Mundaı aktsııalardy biz qaza tapqan jaýynger joldastarymyzdy eske alyp, jyl saıyn ótkizip turatyn bolamyz, olar bizdiń júrekterimizde máńgi saqtalady», - dedi jarys sońynda QR QK Áýe qorǵanysy kúshteriniń bas qolbasshysy avıatsııa general-maıory Nurlan Ormanbetov.