Fýtbol: «Qaısarǵa» Kabo-Verde quramasynyń oıynshysy keldi
Bıyl qyzylordalyq klýbta Afrıka qurlyǵyndaǵy Kabo-Verde quramasynyń jartylaı qorǵaýshysy Alvın Fortes óner kórsetedi. Búgingi kúnge deıin 25 jastaǵy oıynshy Fınlıandııanyń «PS Kemı», Gollandııanyń «Valveık», «TOP Oss», «Vıtess ІІ», Túrkııanyń «Bolýspor», Grekııanyń «Verııa», Chehııanyń «Zbroevka», Grýzııanyń «Dıla» klýbtarynyń namysyn qorǵaǵan. 2018 jyldan beri Kabo-Verde quramasynda oınaıdy.
Sondaı-aq, byltyr «Atyraý» jeıdesin kıgen qorǵaýshy Qýanysh Qalmuratov endi «Qaısar» qataryna qosyldy. Ol 2014 jyldan beri «Atyraý», elordanyń «Astana-1964» komandalarynda sheberligin shyńdaǵan. 2016-2018 jyldarda 21 jasqa deıingi Qazaqstan jastar quramasynda oıyn kórsetti.
Budan buryn «Qaısar» basshylyǵy qorǵaýshylar - Eldos Ahmetov jáne Baǵdat Qaıyrov, grýzııalyq shabýylshy Elgýdja Lobjanıdzemen kelisimshartqa otyrǵan bolatyn.
Aıta keteıik, «Qaısar» 3-27 qańtar aralyǵynda Túrkııanyń Antalııa qalasynda alǵashqy oqý-jattyǵý jıynyn ótkizedi. Qazir komandada qazaqstandyq fýtbolshylarmen birge Reseıden Alekseı Shýmskıh, Ýkraınadan Rızvan Ablıtarov, Mozambıkten Rejınaldo Faıfe, Portýgalııadan Nanı synaqtan ótýde.