FÝTBOL: «Qaısar» slovakııalyq «Belýsa» komandasyn oısyrata jeńdi
ASTANA. QazAqparat - Qyzylordanyń «Qaısary» Túrkııadaǵy oqý-jattyǵý jıyny aıasyndaǵy sońǵy joldastyq kezdesýin ótkizdi. Slovakııanyń «Belýsa» komandasymen kezdesken jerlesterimiz qarsylastarynyń qaqpasyna jaýapsyz toǵyz gol soqty. Osylaısha, bul match qazaqstandyqtardyń paıdasyna sheshildi: «Qaısar» - «Belýsa» (Slovakııa) - 9:0.
«Qaısar» oıyndy eki qurammen ótkizdi. Eshkimmen almaspaı, eki taım oınaǵan tek qaqpashy Kırıll Prıadkın ǵana. Al alǵashqy gol úshinshi mınýtta-aq soǵyldy. Danıll Tsoıdyń pasynan keıin esep ashqan Vladıslav Nehtıı bolatyn. 19-shy mınýtta Dmıtrıı Ogaı shákirtteri esepti eseleı tústi. Serikjan Mýjıkov buryshtama dobyn ádemi áýeletip, Eljas Altynbekov baspen gol soqty. Odan keıin úshinshi dopty qarsylas qaqpasyna ıÝraı Pıroshka toǵytty», delingen atalmysh fýtbol klýbynyń resmı saıtynda.
Ekinshi taımda «Qaısar» jigitteri taǵy alty týra soqqymen kózge tústi. Onyń úsheýin Rımo Hýnt soqsa, Sergeı Strýkov dýbl avtory atanyp, taǵy bir gol Qaırat Nurdáýletovtiń atyna jazyldy.
Endi olar jeńil jattyǵýdan keıin Qyzylordaǵa oralady.
