Fýtbol: «Qaısar» Premer-lıgaǵa joldama aldy
QYZYLORDA. QazAqparat - Fýtboldan birinshi lıga komandalary arasyndaǵy el birinshiliginiń 25-týrynyń alǵashqy oıyn kúni ótti, dep habarlaıdy QazAqparat tilshisi.
Bul týrdaǵy negizgi kezdesý Qyzylordada jergilikti «Qaısar» men Taldyqorǵannyń «Jetisý» komandalary arasynda ótti. Alań ıeleri úshin teń oıyn aldaǵy jyly Premer-lıgaǵa joldamaǵa qol jetkizýge múmkindik beretin.
Kezdesý barysynda eki komanda da alǵa qaraı umtyldy. Degenmen tablodaǵy esepke ózgeris engen joq. Komandalar 0:0 esebine qanaǵat bildirdi.
Nátıjesinde qyzylordalyq komanda aldaǵy jyly Premer-lıgaǵa joldama aldy.
Budan buryn Premer-lıgaǵa joldamaǵa Kókshetaýdyń «Oqjetpes» komandasy ıe boldy.
Atalǵan týrdaǵy ózge oıyn nátıjeleri tómendegishe:
«Igilik» (Jambyl oblysy) - «Taraz-Qarataý» (Jambyl oblysy) 0:7
«Oqjetpes» (Kókshetaý) - «Ekibastuz» (Pavlodar oblysy) 4:0
«Qyran» (Shymkent) - «Qaırat jastar» (Almaty) 2:4
«Shahter- Bolat» (Qaraǵandy) - «Jeńis» (Astana) 0:1
«ıAssy» (Túrkistan) - «Akademııa Ońtústik» (Shymkent) 0:0
Atalǵan týrdaǵy «Baıqońyr» (Qyzylorda) - «Astana jastar» (Astana) kezdesýi 29 qazanǵa belgilengen.
Endi 26-týr oıyndary 5 qarasha kúni ótedi.
Eske salsaq, budan buryn «Qaısar» qatarynan bes márte jeńiske jetti.
Foto: fckaysar.kz
