Fýtbol: «Qaısar» men «Jetisý» alǵashqy jeńisine jetti
Qyzylordada jergilikti «Qaısar» Pavlodardyń «Ertis» komandasymen sheberlik baıqasty. Qos komandanyń áleýeti bir-birimen qaraılas. Sondyqtan oıyn tartysty órbidi. Alǵashqy mınýttarda jasyl alań tórinde «Qaısardyń» belsendiligi aıqyn ańǵarylyp turdy. Nátıjesinde 11-mınýtta alań ıeleri «Ertis» qaqpasynan sańylaý tapty. Ol klýbqa bıyl qosylǵan grýzııalyq shabýylshy Elgýdja Lobjanıdzeniń enshisine jazyldy.
Oıyn barysynda eki komandanyń da esepti ózgertetin birneshe múmkindigi bolǵan edi. Degenmen ony tıimdi paıdalana alǵan joq. Kezdesýde «Qaısar» 1:0 esebimen basym tústi.
Sondaı-aq, búgin Aqtaýda «Kaspıı» Taldyqorǵannyń «Jetisý» komandasynan 0:2 esebimen jeńilip qaldy. Bul oıynda taldyqorǵandyq klýb qatarynan Martın Toshev 66, Egor Zýbovıch 83-mınýtta mergendik tanytty.
Al 7 naýryzda «Astana» «Qyzyljardy» 4:0, «Qaırat» «Tarazdy», «Tobyl» «Shahterdi» 2:1 , «Ordabasy» «Oqjetpesti» 1:0 esebimen jeńdi.
Endi 11 naýryzda «Astana» men «Ordabasy» 18, «Qaırat» pen «Oqjetpes» 21 týrdyń oıyndaryn aldyn-ala ótkizedi. Al 2-týr 15 naýryzda «Jetisý» men «Tobyl», «Ertis» pen «Qyzyljar», «Kaspıı» men «Astana», «Oqjetpes» pen «Qaısar», «Taraz» ben «Ordabasy», «Shahter» men «Qaırat» komandalary kezdesedi.