Fýtbol: «Qaısar» komandasyna jańa bapker taǵaıyndaldy
QYZYLORDA. QazAqparat - Qyzylordalyq «Qaısar» komandasyna jańa bapker taǵaıyndaldy. Bul qyzmetke qazaqstandyq bilikti bapker Vladımır Nıkıtenko keldi, dep habarlaıdy QazAqparat tilshisi.
Tájirıbeli jattyqtyrýshy buǵan deıin qyzylordalyq klýbtyń tizginin eki márte ustaǵan. 2008 jyly komanda el birinshiliginde tórtinshi orynǵa taban tiredi. Al 2012 jyly onyń jetekshiligimen «Qaısar» premer-lıgadaǵy ornyn saqtap qaldy.
Vladımır Nıkıtenko elimizdegi tájirıbeli mamandardyń qatarynda sanalady. Ol elimizdiń kóptegen klýbtarynda jetekshilik jasady. Qazaqstan chempıonatyda eki dúrkin jeńimpaz atansa, birneshe márte Qazaqstan kýbogyn enshilegen.
Bilikti maman bapkerlik eńbegi jolynda 40-tan asa sport sheberin daıyndady. Olardyń arasynda ulttyq qurama sapynda oıyn kórsetken fýtbolshylar bar.
Eske salsaq, buǵan deıin «Qaısar» atalǵan qyzmetti jergilikti maman Sultan Ábildaev atqaryp keldi.
Komanda bıyl sátsiz oıyn kórsetip, týrnır kestesinde 14 oıynnan keıin 7 upaımen eń sońǵy orynda tur.
