Fýtbol: «Qaısar» qataryna reseılik qorǵaýshy qosyldy

QYZYLORDA. QazAqparat - Qyzylordanyń «Qaısar» komandasy quramynda bıyl reseılik qorǵaýshy Alekseı Shýmskıh oıyn kórsetetin boldy, dep habarlaıdy QazAqparat tilshisi.

A.Shýmskıh 1990 jyldyń 1 shildesinde Reseıdiń Barnaýl qalasynda dúnıege kelgen. Úlken fýtbolǵa alǵashqy qadamyn jergilikti «Dınamo» klýbynda bastaǵan ol kásibı deńgeıde Reseıdiń «Torpedo» (Máskeý), «Sportakademklýb», «Satýrn-2», «Neftehımık», «Zenıt» (Penza), «Strogıno», «Kalýga», «Hımkı», «Tom» klýbtarynyń namysyn qorǵady. 2018-2019 jyldarda ol «Tom» klýbynda 45 oıynda jasyl alańǵa shyǵyp, qarsylastar qaqpasyna 4 gol soqty.

Budan buryn «Qaısar» basshylyǵy qorǵaýshylar - Eldos Ahmetov jáne Baǵdat Qaıyrov, grýzııalyq shabýylshy Elgýdja Lobjanıdze, kabo-verdelik jartylaı qorǵaýshy Alvın Fortes, ýkraınalyq qorǵaýshy Rızvan Ablıtarov, mozambıktik Faıfe Rejınaldomen kelisimshartqa otyrǵan bolatyn.