Fýtbol: «Qaısar» bıyl da aldyna úlken maqsat qoıyp otyr
Búgin Qyzylorda oblysynyń ákimi Qýanyshbek Ysqaqov «Qaısar» komandasy fýtbolshylarymen kezdesti. Bıyl komanda quramyna 11 jańa fýtbolshy qosylǵan. Olardyń qatarynda Eldos Ahmetov, Qýanysh Qalmuratov, Baǵdat Qaıyrov, Rızvan Ablıtarov, Alvın Fortes, Faıfe Rejınaldo, Aleksandr Kolev, Mogamed Paragýlgov, Ivan Peshıch, Elgýdja Lobjanıdze bar.
Kezdesý barysynda komanda kapıtany Ashat Taǵybergen jańa maýsymǵa daıyndyǵy týraly aıtyp, qoldaý bildirgen aımaq basshysy men jankúıerlerine alǵysyn bildirdi.
«Qaısar» komandasy bıyl da aldyna úlken maqsat qoıyp otyr. Ol úshin barlyq jaǵdaı jasalýda. Túrkııada joǵary deńgeıde daıyndyq júrgizildi. Tájirıbeli fýtbolshylar qatarǵa qosyldy. Bıyl da jergilikti jankúıerlerdi qýantýǵa ázirmiz», - dedi komanda kapıtany.
Byltyr «Qaısar» 20 jyldan keıin Qazaqstan kýbogynyń ıegeri atandy. Ol komanda tuńǵysh ret Eýropa lıgasyna oınaýǵa joldama berdi. Oblys ákimi Q.Ysqaqov jańa maýsymnan, jańa jetistikter kútetinin aıtty.
«Bıyl «Qaısardyń» namysyn qorǵaıtyn fýtbolshylarǵa úlken jaýapkershilik artylady. Jyl ótken saıyn nátıje jaqsaryp keledi. Osy jylǵy chempıonatta da jeńiske qol jetkizsek degen maqsatymyz bar. Jankúıerlerdiń shynaıy qoldaýy komandaǵa aıryqsha jiger syılary anyq», - dedi oblys ákimi.
Aıta keteıik, «qaısarlyqtar» 8-naýryzda Ǵ.Muratbaev atyndaǵy ortalyq stadıonda «Ertis» komandasymen oınaıdy.