Fýtbol: «Qaıratta» dop tepken eki oıynshy «Aqjaıyqqa» alyndy
ORAL. QazAqparat – «Qaıratta» dop tepken eki oıynshy «Aqjaıyqqa» alyndy, dep habarlaıdy QazAqparat tilshisi.
«Aqjaıyq» fýtbol klýby málim etkenindeı, shabýylshy, 19 jastaǵy Vıacheslav Shvyrev kásibı jolyn 2018 jyly almatylyq «Qaırattyń» quramynda bastady. Premer- lıgada 19 matchta eki goldyń avtory atanyp, bir ret nátıjeli pas berdi.
Óz sporttyq jolynda 17 jáne 21 jasqa deıingi Qazaqstan jastar quramasy sapynda óner kórsetti.
2020 jyly «Qaırat-Jastar» quramynda 11 match ótkizip, 3 gol soqty.
Jartylaı qorǵaýshy, 26 jastaǵy Magomed Paragýlgov ta «Aqjaıyqpen» kelisimshartqa qol qoıdy.
Ol «Qaırat», «Ertis», sondaı-aq kıprlik «Ermıs» klýbynyń sapynda dop tepken. Premer-lıgada 60 oıyn ótkizip, 8 gol soqty. Qazaqstan quramasy sapynda eki matchta alańǵa shyqty.
«Aqjaıyq» sondaı-aq Oral fýtbolynyń túlekteri Baýyrjan Omarov, Rýslan Qaıyrov, Eldar Abdrahmanov, Vladımır Pokatılov, Ivan Antıpovpen kelisimshartty uzartty.
Oraldyq komanda búgin Túrkııada oqý-jattyǵý jıyny barysynda sońǵy baqylaý oıynyn Ýkraına premer- lıgasynyń ókili «Karpaty» klýbymen ótkizedi.
«Osymen jıyn márege jetip, elge oralamyz. Komanda tolyq jasaqtaldy deýge bolady», - dedi QazAqparat tilshisine «Aqjaıyq» fýtbol klýbynyń dırektory Azamat Shaıhy.
Eske sala keteıik , budan buryn «Aqjaıyqqa» taǵy úsh oıynshy qosylǵanyn jazǵan bolatynbyz.
