Fýtbol: «Qaıratqa» reseılik jartylaı qorǵaýshy keldi
NUR-SULTAN. QazAqparat - Fýtboldan Almatynyń «Qaırat» komandasy quramyna reseılik jartylaı qorǵaýshy Kırıll Kolesnıchenko qosyldy, dep habarlaıdy QazAqparat tilshisi komanda saıtyna silteme jasap.
Kırıll Kolesnıchenko 2000 jyldyń 31 qańtarynda Reseıdiń Volgograd oblysynyń Kamyshın qalasynda dúnıege kelgen. On bir jasynan Máskeýdegi «Chertanovo» fýtbol mektebinde tálim aldy. On bes jasynda Reseıdiń kásipqoı fýtbol lıgasynda alǵashqy oıynyn ótkizdi. Osylaısha Reseıde kásibı deńgeıde oınap júrgen jas fýtbolshy atandy. 2015 jyly Reseıdiń 16 jasqa deıingi quramasyna shaqyrtý aldy. Sol eldiń Premer-lıgasyndaǵy alǵashqy oıynyn 2018 jyly Habarosvk qalasynyń «SKA-Habarovsk» komandasynda ótkizdi. Odan keıin qaıtadan «Chertanovo» klýbyna oralyp, onda 30 oıynda 6 gol soǵyp, 3 nátıjeli pas berdi.
«Qaırat» komandasynyń basshylyǵy Kırıll Kolesnıchenkomen úsh jylǵa kelisim-shartqa otyrdy.
Qazaqstan Premer-lıgasynyń transferlik merzimi 3 sáýirge deıin sozylady.
