FÝTBOL: «Qaırat» tuńǵysh ret Sýperkýbok ıgeri atandy! (FOTO)
ASTANA. QazAqparat - «Astana Arena» stadıonynda Qazaqstan fýtbolynyń jańa maýsymy bastalýyna oraı ótip jatqan Sýperkýbok matchynda «Qaırat» penaltı kezeńinde «Astanany» san soqtyrdy.
Oıynnyńyń negizgi ýaqytynda «Astana» men almatylyq «Qaırat» arasynda esep ashylǵan joq.
Osyǵan oraı, bas tóreshi ekstra-taım jarııalady, alaıda qos komanda ekstra-taımda da bir-biriniń osal tusyn taba almady.
Al penaltı kezeńinde 5:4 esebimen «Qaırat» alǵa shyqty.
Oıynǵa ózbekstandyq qazy Ravshan Irmatov tórelik etti.
Aıta keterligi, bul osy maýsymdaǵy alǵashqy match. «Qaırat» óz tarıhynda el Kýbogyn 7 márte jeńip, Sýperkýbok fınalyna osymen ekinshi ret shyqqan bolatyn.
Byltyr «Astana Arenada» Sýperkýbokqa talasqa «Astana» men «Qaırat» shyǵyp, penaltı serııasy boıynsha elordalyqtar jeńiske jetken bolatyn.
Penaltı:
(«Astana»). Kanıas - 1:0,
(«Qaırat»). Islamhan - 1:1,
(«Astana»). Anıchıch - 2:1,
(«Qaırat»). Brýno Soares - 2:2,
(«Astana»). Şetkın (qaqpashy qaıtardy) - 2:2,
(«Qaırat»). Rıera - 2:3,
(«Astana»). Maksımovıch (múlt ketti) - 2:3,
(«Qaırat»). Lı (qaqpashy qaıtardy) - 2:3,
(«Astana»). Tvýması - 3:3,
(«Qaırat»). Goý (qaqpashy qaıtardy) - 3:3,
(«Astana»). Beısebekov - 4:3,
(«Qaırat»). Tımoşýk - 4:4,
(«Astana»). Mýjıkov (qaqpashy qaıtardy) - 4:4,
(«Qaırat»). Tesak - 4:5
