Fýtbol: «Qaırat» óz alańynda «Aqsýdy» iri eseppen jeńdi

Búgin fýtboldan premer-lıga komandalary arasyndaǵy el birinshiliginiń 25-týrynda alǵashqy úsh oıynnyń nátıjesi belgili boldy, dep habarlaıdy Kazinform.

Almatylyq «Qaırat» óz alańynda Pavlodar oblysynyń «Aqsý» komandasymen kezdesti. Kezdesý barysynda almatylyq klýbtan Joao Paolo 9, Artýr Shýshenachev 40, Dmıtrıı Sergeev 75, ıAn Trýfanov 90-mınýtta mergendik tanytsa, Іlııas Ábil 95-mınýtta bir golmen jaýap qaıyrdy.

Osylaısha almatylyq klýb 4:1 esebimen basym tústi.

Taǵy bir kezdesýde qostanaılyq «Tobyl» aqtaýlyq «Kaspıımen» sheberlik baıqasty. Oıyn 1:1 esebimen teń aıaqtaldy.

Sondaı-aq, Túrkistan oblysynyń «Maqtaraly» óz alańynda Petropavldyń «Qyzyljaryn» 2:1 esebimen jeńdi. Nátıjesinde týrnır kestesinde toǵyzynshy orynǵa kóterilip, birinshi lıgaǵa túsip qalý qaýpinen qashyqtaı tústi.

Endi elordalyq «Astana» óz alańynda Taldyqorǵannyń «Jetisý» komandasymen kezdesedi.

Al 22 qazanda «Oqjetpes» pen «Aqtóbe», «Qaısar» men «Atyraý», «Ordabasy» men «Shahter» jasyl alańǵa shyǵady.

Eske salsaq, budan buryn Fýtboldan birinshi lıgada «Elimaı» 23 márte jeńiske jetti.