FÝTBOL: «Qaırat» - oıynshylar quramy boıynsha Premer-Lıgadaǵy eń qymbat komanda
ALMATY. QazAqparat - Almatynyń «Qaırat» komandasy Qazaqstan Premer-Lıgasynda oıynshylar quramynyń transferlik baǵasy boıynsha kósh basynda keledi.
Transfermarkt. De saıtynyń derekterine sáıkes, «Qaırat» komandasyndaǵy transferlik baǵa 11 mıllıon 530 myń eýrony quraǵan. Al eń tómengi transferlik baǵa Semeıdiń «Spartagynda» tirkeldi - bary-joǵy 3 mıllıon 80 myń eýro. Esesine Qyzylordanyń «Qaısar» komandasy oıynshylarynyń sany jóninen birinshi orynǵa bir-aq shyqty. Qazir komanda quramynda 30 fýtbolshy óner kórsetedi. Eń az oıynshy «Aqtóbede» - 23 fýtbolshy.
Jasy eń úlken oıynshylar «Aqtóbe» men «Ertiste» - 27,9 jas. Al oıynshylary eń jas komanda - Almatynyń «Qaıraty» - 24,9 jas.
Eń kóp legıonerler «Atyraý» komandasynda tirkeldi - barlyǵy 13 oıynshy. Al eń azy «Taraz» ben «Jetisýda» - 7 oıynshydan. Fýtboldan ulttyq qurama komandanyń eń kóp múshesi «Aqtóbe» komandasynda oınaıdy eken - barlyǵy 10 adam. Eń azy Semeıdiń «Spartagynda» - bary-joǵy 1 adam.
