Fýtbol: «Qaırat» Qostanaıda jeńilis tapty
QOSTANAI. QazAqparat - Qostanaıdyń «Tobyly» óz alańynda almatylyq «Qaıratty» utty, dep habarlaıdy QazAqparat.
Qostanaılyq klýbtyń bas bapkeri Vladımır Nıkıtenko «Qaıratqa» qarsy bes qorǵaýshymen oınap, qarymta shabýyldarǵa ıek artty.
Birinshi taımda Baýyrjan Turysbek alań ıelerin alǵa shyǵaratyn sátti paıdalana almady. Ol on bir metrden qıys tepti. Oıynnyń ekinshi
bóligi almatylyqtardyń jyldam shabýyldarymen bastaldy. Ivo Ilıshevıch pen Isael Barboza «Tobyl» qaqpashysyn birneshe ret oıynǵa aralasýǵa májbúr etti.
Kezdesý sońyna taman «Tobyl» sapyna Qazaqstan ulttyq quramasynyń shabýylshysy Tańat Nóserbaev pen grýzııalyq fýtbolshy Nıka Kvekveskırı qosyldy. Tyńnan qosylǵan jigitter oıyn taǵdyryn sheshti. 88-mınýtta Kvekveskırı sol qaptaldan sytylyp shyǵyp, Nóserbaevty dál paspen tapty. Sońǵysy qatelesken joq. Dopty bos qaqpaǵa syrǵyta saldy.
Osylaısha, Almatynyń «Qaıraty» syrt alańnan upaısyz qaıtty. Al qostanaılyqtar týrnır kestesiniń tórtinshi satysyna kóterildi.
