FÝTBOL: «Qaırat» Eýropa lıgasynyń pleı-off kezeńine joldama aldy
ASTANA. QazAqparat - Eýropa lıgasynyń úshinshi irikteý kezeńinde Shotlandııanyń Aberdın qalasynda Almatynyń «Qaıraty» jergilikti komandamen sheberlik baıqasty.
Oıyn barysynda basymdylyq alań ıeleriniń jaǵynda bolǵanymen, Vladımır Vaısstyń shákirtteri qorǵanysty nyq ustap, ońtaıy kelgende, qarsy shabýyldaýǵa tyrysty. Bul taktıka ekinshi taımda óz jemisin berdi. 59-mınýtta «Aberdın» qaqpasynyń aldyndaǵy qarbalas sátti sheber paıdalanǵan «Qaırattyń» mergen oıynshysy Jerar Goý esep ashty. Kezdesý sońyna taman shotlandııalyq komandanyń shabýyly údeı tústi. 84-mınýtta aıyp dobyn berý sátinde Kennı Maklın qaqpa buryshyn dál kózdedi. Sońǵy sekýndtarda «Qaırattyń» qaqpashysy Vladımır Plotnıkov keremet sheberlik kórsetip, qaqpasyn aman alyp qaldy. Sóıtip tartysty oıyn 1:1 esebimen aıaqtalyp, eki kezdesý qorytyndysymen (Almatydaǵy matchta alań ıeleri 2:1 esebimen utqan bolatyn) «Qaırat» pleı-off kezeńine joldama aldy.
Eske sala keteıik, osynyń aldynda «Astana» komandasy Eýropa chempıondary lıgasynyń pleı-off kezeńine joldama alǵan bolatyn. Sonymen, bıyl qazaqstandyq komandalar óz tarıhynda úzdik tabystaryna qol jetkizip otyr.
