Fýtbol qaýymdastyǵy prezıdentiniń qazasyna baılanysty Argentına chempıonaty keıinge qaldyryldy
ASTANA. QazAqparat - Argentınanyń fýtboldan chempıonatynyń bastalýy bir aptaǵa keıinge shegerildi. Buǵan Argentına fýtbol qaýymdastyǵynyń (AFQ) prezıdenti Hýlıo Grondonanyń oqystan kóz jumýy sebep boldy.
30 shilde kúni júrek talmasy ustaǵan Federatsııa basshysy aýrýhanaǵa jetkizilgen. Alaıda dárigerler ony aman alyp qala almady, bilikti fýtbol mamany 83 jasynda qaıtys boldy, dep habarlaıdy vesti.kz.
Hýlıo Grondona Argentınanyń fýtbol federatsııasyn 1979 jyldan beri basqaryp kelgen. Osy ýaqyt aralyǵynda bul qurama álem chempıonatynda (1986) jeńimpaz atanyp, eki ret mýndıaldiń kúmis júldegeri (1990, 2014) boldy. Eki ret Amerıka kýbogyn (1991, 1993) ıelenip, Olımpıadalarda (2004, 2008) jeńiske jetti. 2011 jyly Grondona toǵyzynshy ret Argentına fýtbol qaýymdastyǵynyń prezıdenti bolyp saılandy.
