Fýtbol, karate, júzý: Almatyda 20 myńǵa jýyq bala 25 sport sektsııasyna barady
Onlaın formattaǵy jıynǵa sport mekemeleriniń, sonyń ishinde balalar men jasóspirim mektepteriniń, kásibı sport klýbtarynyń basshylary qatysty.
Belgili bolǵandaı, búgingi kúni «Jańa Almaty» baǵdarlamasyna sáıkes, qala shetinde jańa jobalar júzege asyrylýda.
Megapolıste ár túrli menshik nysanyndaǵy 3400 nysan bar. 2021 jyly Zerdeli, Aınabulaq-2, Qulager, Alataý, Kemel, Jas Qanat jáne basqa yqshamaýdandarynda 6 dene shynyqtyrý-saýyqtyrý ortalyǵy, 1 tennıs ortalyǵynyń qurylysy júrip jatyr.
Boks, horeografııa, basqa da sport jáne sý sporty bar. Jyl sońyna deıin úsh nysandy paıdalanýǵa berý josparlanǵan.
Jańa sport nysandarynyń jalpy táýliktik syıymdylyǵy - 5 myń adam.
Buǵan qosa, bıýdjetten tys qarajat esebinen sport keshenderi, velotrek, ústel tennısi ortalyǵy jáne basqalary bar 5 nysan salynýda.
Jalpy bıyl 61 mektepte 73 fýtbol, 63 voleıbol men basketbol alańdary, sondaı-aq jattyǵý aımaqtary men júgirý joldary bar sport ǵımarattaryn jańartý kózdelgen.
Memlekettik-jekemenshik áriptestik aıasynda 8 sport alańyn qalpyna keltirý jumystary júrgizilýde: qazir 4 stadıonda jumys aıaqtaldy, qalǵan mektepterdiń qurylys-montajdaý jumystaryn aıaqtaý aǵymdaǵy jyldyń jeltoqsanyna josparlanǵan.
17 myń 749 bala 25 sport túrinen sabaq bastady. Eń tanymal sektsııalardyń arasynda fýtbol, taekvondo, karate, júzý, dzıýdo bar.
Bul rette «Almaty qalasynyń jattyqtyrýshylar assotsıatsııasy» JShS atap ótkendeı, balalar men olardyń ata-analary tegin sektsııalardyń sapasy týraly oń pikirde.
Qalada sport mekemelerimen qatar 100 demalys ortalyǵy bar. Sonyń 36 sport sektsııasy men úıirmeleri 8 myńnan astam adamǵa aqysyz qyzmet kórsetedi.
2023 jylǵa qaraı ortalyqtar sanyn 200-ge deıin, al bıyl qosymsha 50 ortalyqqa jetkizý kózdelgen.
Bul rette joǵary jetistikterge ıe sportty damytý baǵytynda Almaty qalasy men Qazaqstan Respýblıkasynyń qurama komandalary úshin 78 sport túrinen sport rezervi daıyndalýda.
1 qyrkúıekten bastap sport kolledji 50 orynǵa arnalǵan sport keńsesinde óz esigin ashty.
Búginde Almatynyń qurama komandalary kúrdeli respýblıkalyq jarystardyń, Qazaqstan halyqtarynyń spartakıadasynyń, jazǵy jáne qysqy jasóspirimder oıyndarynyń chempıondary.
Respýblıka qurama komandasynyń tiziminde 906 sportshy bar.
Alqaly jıynnyn qorytyndysy boıynsha Almaty qalasy ákiminiń orynbasary Erjan Babaqumarov megapolıs ákimi Baqytjan Saǵyntaev sporttyq ınfraqurylymdy jańartý boıynsha aýqymdy sharalar qabyldap jatqanyn atap ótti.
Sport basqarmasy tıisti uıymdarmen birlese otyryp, bilikti jattyqtyrýshylarmen qamtamasyz etý, bapkerler bazasyn qalyptastyrý jáne balalarǵa arnalǵan sport sektsııalaryn jan basyna shaqqandaǵy qarjylandyrý aqysyn ýaqtyly qamtamasyz etý boıynsha jumysty kúsheıtýi qajet.
Mektep oqýshylaryn, stýdentter men jastardy sportqa baýlý isin kúsheıtý tapsyryldy.
Dene shynyqtyrý-saýyqtyrý ortalyqtaryn ýaqytynda iske qosý boıynsha jumystardyń monıtorıngi erekshe baqylaýda bolýy tıis.
Sebebi bul nysandardyń qurylysy buqaralyq sportpen shuǵyldanatyndardyń sanyn edáýir arttyrady ári sporttyq ınfraqurylymǵa qoljetimdilikti qamtamasyz etedi.
Bul rette qalada sportshylardy medıtsınalyq-bıologııalyq qamtamasyz etý úshin emdik-dene dıspanserin ashý jáne qalanyń segiz aýdanynda balalar men jasóspirimderge arnalǵan jańa dene shynyqtyrý klýbtaryn ashý máselesin pysyqtaý tapsyryldy.
