Fýtbol qaqpasynyń qulaýy: Qylmystyq is qozǵaldy
ALMATY. QazAqparat - Almatyda bala ústine qulaǵan qaqpaǵa oqıǵasyna qatysty qylmystyq is qozǵaldy, dep habarlaıdy QazAqparat tilshisi.
Almaty polıtsııasy fýtbol alańynda balanyń ústinen qulaǵan qaqpaǵa qatysty faktige sáıkes, QRQK 306-baby boıynsha is tirkelgenin habarlady.
Tergeýdi Almaty qalalyq Polıtsııa departamenti júrgizedi.
QR QK 306-baptyń sanktsııasy 160 AEK-ke deıin aıyppul salýdy nemese sol mólsherde túzeý jumystaryn nemese 160 saǵatqa deıin qoǵamdyq jumystarǵa jegý nemese ustaý túrinde 40 táýlikke qamaýǵa alýdy kózdeıdi. Odan bólek úsh jylǵa deıingi merzimge nemese belgili bir laýazymdardy atqarýyna tyıym salynady.
Oqys oqıǵa 4 sáýir kúni keshke, 8-shi yqsham aýdandaǵy №79 úıdiń aýlasyndaǵy balalar alańynda boldy.
Almaty qalalyq kommýnaldyq sharýashylyq basqarmasy atalǵan aýla aýmaǵynda 2020 jyly kelisimshartqa sáıkes, «EC-EnergyQazaqstan» JShS merdigeri kúrdeli jóndeý júrgizgendigin aıtty.
