FÝTBOL: Kaka «Mılanǵa» oraldy
ASTANA. 2 qyrkúıek. QazAqparat - Madrıdtiń «Realy» men «Mılan» klýbtary brazılııalyq jartylaı qorǵaýshy, 2007 jylǵy álemniń úzdik fýtbolshysy Kakanyń transferi jóninde ýaǵdalastyqqa keldi, dep habarlaıdy Eýrosport.
Italıandyq aqparat kózderi bul týraly jarysyp jazýda. Beıresmı aqparat boıynsha, «Real» basshylyǵy Kakany «Mılanǵa» tegin berýge kelisken eken.
Brazılııalyq, óz kezeginde, «rossonerımen» ekijyldyq kelisimshartqa qol qoıyp, maýsymyna bes mıllıon eýro alyp otyrady.
Kaka «Mılan» sapynda 2003-2009 jyldary óner kórsetken.
