Fýtbol: Kahaber Tshadadze «Kaspııdiń» bas bapkeri qyzmetinen ketti

ASTANA. QazAqparat - Fýtboldan grýzııalyq maman Kahaber Tshadadze Aqtaýdyń «Kaspıı» komandasy bas bapkeri qyzmetinen ketti. Bul jóninde komandanyń baspasóz qyzmeti málim etti, dep habarlaıdy QazAqparat tilshisi.

«Qurmetti jankúıerler, eki taraptyń kelisimi boıynsha bas bapkeri Kahaber Tshadadze komandamyzdan ketkenin habarlaımyz. Aldaǵy ýaqytta sáttilik tileımiz jáne bizben birge bolǵanyńyzǵa rahmet aıtamyz», - dep jazylǵan habarlamada.

Grýzııalyq maman aqtaýlyq klýbqa bıylǵy jyly bas bapker qyzmetine keldi.

Komanda Premer-lıganyń bes týrynyń barlyǵynda jeńilis tapty. Týrnır kestesinde sońǵy orynda tur. Qarsylastar qaqpasyna nebári tórt gol soǵyp, óz qaqpasyna on úsh gol jiberip alǵan.