FÝTBOL: Ispanııa jasóspirimder quramasy Qazaqstan Prezıdenti Kýbogyna qatysady
ASTANA. QazAqparat - 17 jasqa deıingi Ispanııa jasóspirimder quramasy Astanada ótetin jylsaıynǵy Qazaqstan Respýblıkasy Prezıdentiniń Kýbogyna qatysatynyn rastady.
Bul týraly Qazaqstannyń fýtbol federatsııasy baspasóz qyzmetinen habarlandy. «Qazaqstan men Ispanııa quramalarynan bólek, halyqaralyq týrnırge Grýzııa, Qyrǵyz Respýblıkasy, Belarýs jáne Tájikstannyń jasóspirim quramalary qatysatyn boldy», - delingen baspasóz baıanynda.
Eske sala keteıik, ótken jyly Ispanııa týrnır jeńimpazy atanǵan bolatyn. Olar fınalda Grýzııa fýtbolshylaryn 6:1 esebimen utqan edi.
