Fýtbol: Ispanııa Álem chempıonatynyń fınalyna shyqty
ASTANA. Shildeniń 8-i. QazAqparat - Ońtústik Afrıka Respýblıkasynda ótip jatqan fýtboldan 19-shy álem chempıonatynda Ispanııa quramasy fınalǵa shyqty.
Keshe ótken jartylaı fınaldyq oıynda Ispanııa Germanııa quramasynan 1:0 esebimen basym túsken bolatyn. endi ıspandyqtar shildeniń 11-i kúni buǵan deıin Ýrýgvaıdy 3:2 esebimen utqan gollandyqtarmen álem chempıony ataǵyn sarapqa salady.
Tuńǵysh ret álem chempıony ataǵyn jeńip alýǵa tamasha múmkindik týyp otyrǵan Ispanııa 1/8 fınalda Portýgalııany (1:0), shırek fınalda Paragvaıdy (1:0) esebimen utqan bolatyn. Jalpy 2008 jylǵy Eýropanyń myqty komandasy atanǵan Ispanııa quramasy 1950 jyldan beri álem chempıonatynyń fınaldyq tobyna birinshi ret shyǵyp otyr.
Al buǵan deıin eki márte álem birinshiliginiń aqtyq synyna shyǵyp, ekeýinde de jeńilip qalǵan Gollandııa úshin de tuńǵysh ret álem chempıony ataǵyn jeńip alýǵa tamasha múmkindik týdy.
