FÝTBOL: Ispandyq «Sevılıa» Eýropa Lıgasynyń fınalyna shyqty
ASTANA. QazAqparat - Ispanııanyń «Sevılıa» komandasy Eýropa Lıgasynyń fınaldyq kezeńine joldama aldy. Jartylaı fınaldyq qarymta kezdesýde «Sevılıa» syrt alańda «Valensııaǵa» 3:1 esebimen jeńildi.
Biraq, Ýnaı Emerı shákirtteri eki kezdesý qorytyndysy boıynsha ózderiniń jerlesi «Valensııadan» basym tústi.
Alań ıeleri tarapynan oıynnyń 14 mınýtynda Sofıan Fegýlı esep ashty. 26 mınýtta «Sevılıa» oıynshysy óz qaqpasyna gol salyp aldy - 2:0. 69 mınýtta esepti «Valensııalyq» Jeremı Mate eseledi. Qonaqtar tarapynan jalǵyz goldy Stefan Mbıa 90 mınýtta salyp, jeńiske qol jetkizdi.
Esterińizge sala keteıik, 25 sáýir kúni ótken alǵashqy kezdesýde óz alańynda «Sevılıa» «Valensııadan» 2:0 esebimen basym túsken edi.
