Fýtbol: Islambek Qýat Reseıdiń «Orynbor» klýbyna aýysty
NUR-SULTAN. QazAqparat – Qazaqstan ulttyq quramasynyń jartylaı qorǵaýshysy Islambek Qýat «Orynbor» fýtbol klýbyna aýysty, dep habarlaıdy QazAqparat tilshisi.
Reseıdiń premer-lıgasynda óner kórsetetin «Orynbor» fýtbol klýby I.Qýatpen kelisimshartqa qol qoıylǵandyǵyn habarlady.
«Astana», «Oqjetpes», «Aqtóbe» klýbtarynda dop tepken Islambektiń 2014 jyldan beri Almatynyń «Qaıratynda» oınaǵany belgili.
I.Qýat 2015 jyldan ulttyq qurama sapynda el namysyn da qorǵap keledi. Sol jyly 10 qazanda Nıderlandy qaqpasyna alǵashqy golyn engizdi. Úsh kúnnen keıin Rıgada Latvııa quramasymen matchta jeńis golyn soǵyp, erekshe kózge tústi.
«Orynbor» fýtbol klýbyna erkin agent retinde aýysqan 26 jastaǵy I.Qýatty Transfermarkt.de saıty 2 mln eýroǵa baǵalap otyr (sóıtip ol atalmysh klýbtyń eń qymbat oıynshylarynyń birine aınaldy).
Islambekke jańa komanda quramynda sińisip ketý ońaıǵa túspesi anyq. «Orynbor» klýby týrnır kestesinde 18 týrdan keıin 19 upaımen 14-orynda keledi. Ótken maýsymda orynborlyqtar chempıonatty jetinshi orynda aıaqtaǵan bolatyn. Endi bıyl tómengi topqa túsip qalmaý úshin komanda baryn salatyny belgili.
Qazirgi kezde reseılik klýbtar qysqy demalysta. Osy qańtar aıynda oqý-jattyǵý jıyndarynan keıin 28 aqpanda kóktemgi týrlar bastalady.
Eske sala keteıik, budan buryn «Qaırattyń» oqý-jattyǵý jıyny kezindegi qarsylastary belgili bolǵanyn jazǵan edik.
