FÝTBOL: Het-trık jasaǵan Ronaldý «Realdy» Chempıondar Lıgasynyń jartylaı fınalyna ótkizdi
ASTANA. QazAqparat - Madrıdtik «Real» nemistiń «Volfsbýrg» fýtbol klýbyn shırek fınalda 3:0 esebimen jeńip, Chempıondar Lıgasynyń jartylaı fınalyna ótti, dep jazady Vesti.kz.
Qarymta oıyn Madrıdtegi «Santıago Bernabeý» stadıonynda ótti. «Realdyq» Krıshtıaný Ronaldý 15-shi mınýtta esep ashyp, alǵashqy golyn qaqpaǵa endirse, eki mınýttan soń Tonı Kroostyń baspen bergen dobyn qaqpaǵa dál baǵyttaı bildi. Jankúıreler Ronaldýdyń 3-shi golyna da kýá boldy. Oıynnyń 77-shi mınýtynda portýgaldyq fýtbolshy aıyp dobyn tamasha oryndady. Madrıdtikterdiń týrnırdiń kelesi satysyna ótýi úshin dál osyndaı oıyn qorytyndysy qajet bolǵan.
Aıta keteıik, bul kezdesýdiń birinshi oıyny Germanııada ótken. Onda «Volfsbýrg» 2:0 esebimen jeńiske jetken bolatyn. Biraq, eki oıyn nátıjesi boıynsha, «Realdan» 2:3 esebimen utylyp turǵan bolatyn.
Endi «Realdyń» jartylaı fınaldaǵy qarsylasy 15 sáýirde anyqtalady.
