Fýtbol: Havı Ernandes «Barselonanyń» bas jattyqtyrýshysy bolyp taǵaıyndaldy
NUR-SULTAN. QazAqparat – «Barselona» Ronaldý Kýmanýdyń ornyn basatyn jattyqtyrýshyny tapty. Juma kúni «Al-Sadd» Havıdiń katalondyq komandanyń bas jattyqtyrýshysy bolyp taǵaıyndalǵanyn jarııa etti, dep habarlaıdy QazAqparat Eurosport-qa silteme jasap.
«Basshylyq kelisimshart tarmaǵynda kórsetilgen aqyny tólegennen keıin Havıdiń «Barselonaǵa» kóshýine kelisti. Aldaǵy ýaqytta «Barselonamen» yntymaqtasýǵa kelistik. Havı «Al-Sadd» tarıhynda mańyzdy oryn aldy, biz oǵan sáttilik tileımiz», – dep habarlaıdy klýbtyń resmı Tvıtteri.
Kelesi aptanyń basynda jańa jattyqtyrýshyny tanystyrady, al onyń jattyqtyrýshylyq debıýti 20 qarashada Katalon derbıinde «Espanol» klýbyna qarsy ótedi.
Aty ańyzǵa aınalǵan jattyqtyrýshynyń oralǵany 4 qarashada belgili boldy. Bastapqyda katarlyq «Al-Sadd» jattyqtyrýshyny jibergisi kelmegen. Óıtkeni Havı olarǵa Katar-2020/21 chempıonatynyń altynyn alýyna, eki Kýbokty jáne eldiń bir Sýperkýbogyn jeńýine kómektesken bolatyn. Biraq beısenbide Barselonanyń burynǵy kapıtany Al-Saddtyń ókilderimen jeke kezdesip, máseleni óz paıdasyna sheshken.
