FÝTBOL: Hames Rodrıges Amerıka Kýbogynda sımýlıatsııa jasaımyn dep jaraqattandy
ASTANA. QazAqparat - Kolýmbııanyń fýtbol quramasynyń kapıtany Hames Rodrıges ıyǵynan jaraqat alǵandyqtan, Paragvaı komandasyna qarsy Kýboktyń toptyq kezeńiniń ekinshi týryna qatysa almaıtyn boldy, dep habarlady Kolýmbııa fýtbol federatsııasynyń (FCF) baspasóz qyzmeti.
A tobynyń aıasynda Kolýmbııa - Paragvaı kezdesýi 7 maýsymda amerıkalyq Pasadende ótedi.
Birinshi týrdan keıin kolýmbııalyqtardyń aktıvinde úsh upaı, al paragvaılyqtarda Kosto-Rıka quramasymen teń oınaǵan bir upaıy bar.
Rodrıges Santa-Klarada 3 maýsymda ótken AQSh komandasyna qarsy oıynda (2:0) jaralanyp qaldy. Ol oıynda bastapqy quramda shyǵyp, birinshi taımda penaltı soqty. 73-shi mınýtta alańnan ketti. BAQ atap ótkendeı, Hames sımýlıatsııa jasap, ıyǵyn jaraqattap alǵan.
Ońtústik amerıkalyq fýtbol konfederatsııasynyń 100-jyldyǵyna arnalǵan Amerıka-2016 Kýbogynyń matchy AQSh-ta 3-26 maýsym aralyǵynda ótedi.
