FÝTBOL: Germanııanyń qos sańlaǵy Hevedes pen Gomes Qazaqstanǵa qarsy oınamaıtyn boldy
ASTANA. 26 naýryz. QazAqparat - Germanııa quramasynyń qorǵaýshysy Benedıkt Hevedes pen shabýyldaýshy Marıo Gomes 2014 jylǵy álem chempıonatynyń irikteý matchynda Qazaqstanǵa qarsy oınamaıdy,
dep habarlaıdy Baq.kz Germanııa fýtbol odaǵynyń resmı saıtyna silteme jasap.
Benedıkt Hevedes pen Marıo Gomestiń bulshyq eti sozylǵan. Qurama dárigerleri fýtbolshylardy óz klýbtarynda emdelýge jiberý kerek degen sheshim qabyldady.
Esterińizge sala keteıik, Germanııa men Qazaqstan quramalary arasyndaǵy match búgin Nıýrnbergte Astana ýaqytymen saǵat 01:45-te ótedi. Oıyn «Habar» telearnasynda tikeleı efırden kórsetiledi.
