Fýtbol frıstaılynan tuńǵysh ret Qazaqstan chempıonaty ótedi
ASTANA. QazAqparat - Qazaqstanda tuńǵysh ret fýtbol frıstaıly boıynsha el chempıonaty ótedi, dep habarlaıdy QazAqparat tilshisi.
Jarys uıymdastyrýshylary - Qazaqstan fýtbol federatsııasy (QFF) men elordalyq «Astana» fýtbol klýby.
Jarystan bólek, bul sharanyń maqsaty - Qazaqstanda sporttyń dál osy túrin damytýǵa qoldaý kórsetý, jastar arasynda salaýatty ómir saltyn, dene tárbıesin jáne sportty nasıhattaý. Sonymen qatar sporttyń atalmysh túri boıynsha elimiz talanttaryn álemdik deńgeıge shyǵarý kózdelip otyr.
«Sharaǵa Reseıden keletin tanymal sportshylar, fýtbol frıstaıly boıynsha álem chempıondary men «Astana FF» komandasy qatysady dep josparlanǵan. Onymen qosa, chempıonat barysynda ÝEFA Eýropa Lıgasy aıasynda ótetin «Astana» - «Vılıarreal» (Ispanııa) matchyna bıletter men oıynshylardyń qoltańbasy qoıylǵan fýtbol doptary oınatylady. Qazaqstan chempıonaty fýtbol frıstaılynyń - sick3, ironman jáne routine syndy úsh túrinen ótedi, - dedi QFF-tiń baspasóz-qyzmetine suhbat bergen Qazaqstan fýtbol frıstaıly federatsııasynyń prezıdenti Qýanysh Ábdýalıev.
Jarystyń bastalýy 19 qarasha kúni saǵat 15.00-de «Han Shatyr» SOSO-da ótedi.
