FÝTBOL: Frantsııa - Qazaqstan 7:0
ASTANA. QazAqparat - Fýtboldan áıelder arasyndaǵy álem chempıonatynyń 7-shi irikteý tobynda Qazaqstan quramasy syrt alańda frantsýz qyzdaryna 0:7 esebimen oısyraı utyldy, dep habarlaıdy sports.kz.
Alǵashqy taımnyń ózinde Frantsııa bes jaýapsyz dop soqty, úzilisten keıin úshjolaqtylar taǵy eki márte bizdiń qaqpany dál kózdedi. Marı-Lor Delı, Kamıl Abılı men Gaetan Tıneı qos-qostan dop toǵytsa, Elodı Tomıs bir ret qaqpashymyzdy qapy qaldyrdy. Qazaqstandyq qyzdar qarsylastar qaqpasyna qaraı birde bir soqqy baǵyttaı almady.
Alty oıynnan keıin bir upaı enshilegen Qazaqstan áıelder quramasy týrnır kestesiniń sońynan oıyp turyp oryn alǵan. 7 mamyr kúni Kaloıan Petkov baptaıtyn komanda Bolgarııamen óz alańynda oınaıdy.
Frantsııa - Qazaqstan 7:0 (5:0) Goldar: Delı 9 (1:0), Delı 12 (2:0), Tomıs 14 (3:0), Abılı 21 (4:0), Abılı 24 (5:0), Tıneı 54 (6:0), Tıneı 88 (7:0).
