Fýtbol: Fanattardyń júgensiz qylyqtary úshin Serbııaǵa ₣160 myń aıyppul salyndy
ASTANA. QazAqparat - Halyqaralyq fýtbol federatsııasy (FIFA) 2018 jylǵy álem chempıonatynyń irikteý týrnıri aıasynda eki matchtaǵy jankúıerlerdiń júgensiz qylyqtary úshin Serbııanyń Fýtbol odaǵyna ₣160 kóleminde aıyppul saldy.
Bul týraly FIFA baspasóz qyzmeti habarlady.
6 qazanda serbter syrt alańda Avstııa komandasynan 2:3 esebimen jeńilip qalǵan edi. Al 9 qazanda óz alańynda Grýzııa quramasynan basym túsken bolatyn (1:0). Bul jeńis serbterge D tobynda birinshi oryndy enshilep, álem chempıonatynyń fınaldyq bóligine shyǵýyna múmkindik týǵyzdy.
Degenmen Serbııa Fýtbol odaǵy osy oıyndarda jankúıerlerdiń pırotehnıkalyq quraldardy, sondaı-aq saıası jáne kemsitýshilik bannerlerdi paıdalanǵany úshin aıyptaldy. Budan basqa FIFA serb tarapyna eskertý de jasady.
Sondaı-aq stadıonda fanattardyń júgensiz qylyqtary úshin Argentına federatsııasy (₣40 myń), Bosnııa jáne Gertsegovına (₣40), Estonııa (₣30), Grekııa (₣30), Ýkraına (₣39) jazalandy.
