Fýtbol: Eýropa lıgasynda oınaıtyn qazaqstandyq komandalardyń qarsylastary belgili boldy
ASTANA. Maýsymnyń 22-si. QazAqparat /Ernur Aqanbaı/ - Maýsymnyń 21-de ÝEFA-nyń shtab páterinde 2010/2011 jylǵy maýsymdaǵy Eýropa lıgasynyń birinshi jáne ekinshi kezeńiniń jerebesi tartyldy.
Bul týrnırde Qazaqstan atynan birinshi kezeńnen bastap Qaraǵandynyń «Shahter» jáne Qostanaıdyń «Tobyl», al ekinshi kezeńnen Atyraýdyń «Atyraý» komandasy synǵa túsetin bolady. Birinshi irikteý kezeńiniń matchtary shildeniń 1-i jáne 8-i kúnderi, al ekinshi irikteý kezeńi shildiniń 15-i jáne 22-si kúnderi ótedi. Jerebe boıynsha, «Shahter» birinshi kezeńde Polshanyń 14 dúrkin chempıony bolǵan «Rýh» komandasymen kezdesedi. Birinshi oıyn Qaraǵandyda ótedi. Bul komandamen bolatyn eki matchta jerlesterimizdiń mereıi ústem bolyp jatsa, onda «Shahter» kelesi kezeńde Maltanyń «Valetto» komandasymen oınaıdy. Al, «Tobyl» bolsa birinshi kezeńde Bosnııa jáne Gertsegovınanyń «Zrınskı» klýbymen sheberlik baıqasady. Birinshi oıyn Qostanaıda ótedi. Bul teketireste «Tobyl» tabysty óner kórsetse, onda kelesi kezeńde San-Marınonyń «Tre-Penne» komandasyna qarsylas atanady. Al, «Atyraý» ekinshi irikteý kezeńinde Slovakııanyń «Nıtra» jáne Vengrııanyń «Dor» komandalarynyń qaı jeńgenimen oınaıdy. Bizdiń komanda birinshi matchty óz alańynda ótkizedi.
