Fýtbol: Eýropa chempıonatynyń bıletteri aýktsıonǵa shyǵaryldy
ASTANA. 30 sáýir. QazAqparat - ÝEFA aldaǵy ýaqytta Eýropada ótetin fýtbol chempıonatyna qatysýǵa taǵy bir múmkindik syılaýda.
Atalmysh uıym qalǵan sońǵy bıletterdi satý boıynsha qaıyrymdylyq aýktsıonyn uıymdastyratyndyǵyn jarııalady. Aýktsıon bastalyp ketti. Lottardyń eń tómengi baǵasy bılettiń ataýly somasyndaı bolmaq. Aıta keteıik, matchtyń ashylýyna arnalǵan bılettiń quny - 250 eýro, al jabylý saltanatyn kóremin deýshilerge 600 eýro jumsaýlaryna týra keledi.
Eýro-2012 ÝEFA chempıonatyna bıletterdi satyp alý úshin ótinishterdi qabyldaý ótken jyldyń 12 jeltoqsanynan bastaldy. Saıystyń bastalýyna 1 aıdan az ýaqyt qaldy.
Esterińizge sala keteıik,, Eýropanyń fýtbol chempıonaty 8 maýsymnan 1 shildege deıin Ýkraına men Polshada ótedi
