Fýtbol: «Eýro-2012» irikteý týrnıriniń «A» tobyndaǵy elderdiń ókilderi kezdesedi
ASTANA. Aqpannyń 22-si. QazAqparat /Ernur Aqanbaı/ - Búgin Germanııanyń Frankfýrt qalasyndaǵy Nemis fýtbol odaǵynyń shtab páterinde 2012 jylǵy Eýropa chempıonaty irikteý týrnıriniń «A» tobynda synǵa túsetin elderdiń fýtbol federatsııalary ókilderiniń kezdesýi ótedi,
dep habarlaıdy QazAqparat.
Qazaqstan fýtbol federatsııasynyń málimetinshe, keńestiń maqsaty - irikteý týrnırinde «A» tobynda oınaıtyn komandalar arasynda ótetin matchtardyń kúntizbesin jasap, bekitý. Bul kezdesýge Qazaqstan fýtbol federatsııasynyń Bas dırektory Saıan Hamıtjanov, Qazaqstan ulttyq quramasynyń bas jattyqtyrýshysy Bernd Shtork jáne bas jattyqtyrýshynyń assıstenti Grıgorıı Babaıan qatysady. Aıta keteıik, «A» tobynda Eýropa chempıonatyna beriletin joldamany Qazaqstan, Germanııa, Túrkııa, Belgııa, Avstrııa jáne Ázirbaıjan quramalary sarapqa salatyn bolady.
