FÝTBOL: «Ertis» úsh oıynshysymen qosh aıtysty
ASTANA. QazAqparat - «Ertis» fýtbol klýbynyń qaqpashysy Nemanıa Djodjo, qorǵaýshysy ıAkýb Hleboýn jáne shabýylshysy Gleb Maltsev komandadan ketti, dep habarlandy klýbtyń saıtynda.
«Ertistiń» bapkerlik shtaby jazǵy transferlik maýsymda Djodjo, Hleboýn jáne Maltsevtiń kelisimsharttaryn toqtatý jóninde sheshim qabyldady.
Osy maýsymda Nemanıa Djodjo negizgi quramda úsh oıynǵa qatysyp, qaqpasyna bes ret dop ótkizgen bolatyn. Qorǵaýshy ıAkýb Hleboýn Premer-lıganyń 9 oıynyna qatysyp, 2 ret eskertý alǵan, sonymen qatar Qazaqstan kýbogynyń bir oıynyna qatysyp, nátıjesi golǵa ákelgen bir pas bergen. Al shabýylshy Gleb Maltsev osy maýsymda dýblde ǵana óner kórsetip, negizgi quramǵa óte almady.
